الاحصائيات المتقدمة

تقليص

إعـــــــلان

تقليص
لا يوجد إعلان حتى الآن.

كيفية وضع برنامج تدريبى للطفل (( برنامج تدريب سما ))

تقليص
موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • Font Size
    #1

    كيفية وضع برنامج تدريبى للطفل (( برنامج تدريب سما ))

    بسم الله الرحمن الرحيم
    أبدأ معكم الخطوات الاولى فى تعلم كيفية وضع برنامج لتدريب طفلك على هدف ما
    اولا هنزل صور المكعبات الخاصة باختبارات الذكاء واللى طلبتها اختنا ايمان ام فارس فى موضوع اختبارات الذكاء فى الرابط ده
    السلام عليكم ورحمة الله وبركاته احبتى لاحظت من اختبارات الذكاء التى تقام لاطفالنا وجود اشياء ثابتة فى الاختبار تظهر مدى ادراك الطفل وذكائه وقد قررت تدريب سما على بعض هذه المهارات منها طبعا الصور التى ندرب اطفالنا عليها كثيرا ومنها ما صنعته بنفسى لانى لم اجد ما مثله فى الاسواق وهى هذه المكعبات http://up11.up-images


















    وزى ما قلت قبل كده انا جبت المكعبات واستخدمت شريط اللحام من عند الكهربائى باللون الابيض والاسود وعملت الاشكال دى على المكعب
    اما المسطرة دى بقى فتستخدم فى التطابق (( نفس الفكرة فى اختبارات الذكاء ))
    تطابق اشكال الخرز مع كتاب فيه نفس الاشكال
    يعنى الطفل بيشوف شكل الخرزة وبعدين نرفعها من امامه ونعرض عليه كتاب يحوى اشكال خرز تانى كتير ونطلب منه انه يشاور على الخرزة اللى كانت معاه
    ولو الطفل اصغر شويه بيخلى المدرب الخرزة امامه ويطلب منه يشاور على اللى زيها فى الكتاب



    التعديل الأخير تم بواسطة علا; الساعة 11-01-2012, 02:23 PM.


  • Font Size
    #2
    رد: كيفية وضع برنامج تدريبى للطفل (( برنامج تدريب سما ))

    البرنامج اللى اعتمدوا عليه فى تدريب سما

    طبعا بعد شرحه هنزل صورة لبرنامج انا صممته ودرسته للأطفال فى الفصل بالانشطة (( التطبيق ))
    1- التعرف
    ان يتعرف الطفل على الهدف المراد تعليمه له وبيكون على 3 مراحل
    أ - ان يتعرف الطفل على الهدف على جسمه
    ب - ان يتعرف الطفل على الهدف على مجسم
    ج - ان يتعرف الطفل على الهدف عن طريق رمز (( الصورة ))
    هتسألوا زى ما انا سئلت ليه مش نلجأ للصورة على طول زى ما بيستعمل معظم اخصائى التخاطب
    طبعا لان مستوى استقبال كل الاطفال مش واحد ممكن طفل لا يستجيب لمرحلة الصور لانها اخر مرحلة فى الادراك وبالتالى لازم يعرف المفهوم على جسمه وبعدين على مجسم وبعد كده على الصورة وبكده يكون اتأكد ان المفهوم وصل للطفل

    2 - الفرز
    ان يقرز الطفل عن طريق المجسم والرمز (( صورة )) مفهوم الهدف
    3 - التطابق
    ان يطابق الطفل المفهوم مع ما مثله على المجسم وعلى الرمز
    4 -الاختيار
    ان يختار الطفل المفهوم او الهدف المطلوب منه
    5 - التسمية
    ان يسمى الطفل الهدف او المفهوم الذى تعلمه
    6 - التعميم
    ان يعمم الطفل المفهوم او الهدف على كل ما يراه فى حياته

    5

    تعليق


    • Font Size
      #3
      رد: كيفية وضع برنامج تدريبى للطفل (( برنامج تدريب سما ))

      نموذج برنامج تدريبى
      الهدف العام : التعرف على مفهومى فوق وتحت

      اولا : التعرف
      - التعرف عن طريق الجسم
      الادوات المستخدمة : منضدة....كرسى
      ** يطلع الطفل على الكرسى ونقول مثلا سما طلعت فوف الكرسى ثم على المنضدة ونكرر كلمة فوق كثيرا
      ثم ينزل الطفل من على المنضدة للكرسى ثم الارض ونكرر سما نزلت تحت
      (( ملحوظة هناك ايضا تحت المنضدة فقط وفوقها ))
      ** نحضر سلم خشبى ويبدأ الطفل فى الصعود مع ذكر فوق السلم سماطلعت فوق السلم ثم يبدأ بالنزول مع ذكر سما هتنزل تحت
      - التعرف على الهدف من خلال مجسم
      ** احضرنا كراسى صغيرة وكرة صغيرة وصنعنا النموذج الكرة تحت وفوق الكرسى زى كده


      تحت


      فوق



      صنعنا من النماذج دى 3 فوق و 3 تحت

      يشاهد الطفل نموذج الكرة فوق الكرسى ليتعرف عليه ويشير للكرة انها تحت او فوق
      (( هناك كثير من الاخصائيين يفضلوا تعليم مفهوم فوق وحده او تحت وحده ولكن المتبع حاليا تعليم الاتنين بجلسة واحده عن الكثير ))
      ونكرر لفظ فوق وتحت مع الاشارة للمجسم
      (( طبعا كل ام تستطيع الابتكار فى النماذح والمجسمات حسب امكانياتها ))

      ثانيا : الفرز

      نضع 2 مجسم لمفهوم فوق وتحت فى جهة من الغرفة على منضدة على ان يكون بينهما فاصل (( شريط ملون مثلا او نضعهم على 2 باسكت بلاستيك وفى جهة اخرى من الغرفة وعلى كرسى نقوم بوضع باقى المجسمات ( 2 مجسم لفوق و 2 مجسم ل تحت )
      نطلب من الطفل ان يأتينا بأى مجسم من على الكرسى ويأتى للمنضدة ويضعه ما مثله فوق مع فوق وتحت مع تحت الى ان تنتهى المجسمات
      سيظهر عند هذه الخطوة هل تعرف طفلك جيدا على الهدف ام لا

      نعود مرة اخرى لخطوة التعرف لكن هذه المرة على الرمز

      نحضر صور لكرة فوق امنضدة وتحت المنضدة او صورة لمهرج مثلا تحت المنضدة واخرى فوق المنضدة كهذه الصور مثلا








      هذه الصور ايضه يكون منها 3 صور لمفهوم فوق و3 صور لمفهوم تحت من كل مجموعه
      ونمرر الصور على الطفل ونتركها قليلا معه ليتعرف عليها مع تكرار فوق وتحت لتعريفه بالصورة (( الكرة فوق المنضدة __ الكرة تحت المنضدة ))


      تأتى مرحلة الفرز للرمز (( الصورة ))
      نكرر ما حدث فى مرحلة الفرز على المجسم
      نضع صورتين مثلا على الحائط واحده لمفهوم تحت.واخرى لمفهوم فوق ونفصل بينهما بشريط ملون
      ونضع على كرسى فى جهة اخرى مجموعه من الصور لنفس المفهوم ونطلب من الطفل ان يأتينا بصورة من على الكرسى ويأتى ليضعها مع ما مثلها على الحائط


      ثالثا : التطابق

      تطابق مجسم على مجسم
      نضع مجسم لفوق واخر لتحت على المنضدة وعلى كرسى فى الجهة الاخرى من الغرفى مثلهم واحد لفوق وواحد لتحت
      (( ستلاحظون انها تتشابه مع خطوة الفرز فى التطبيق لكن مع اختلاف عدد المجسمات ))
      ونطلب من الطفل ان يأتينا بأحد المجسمات من على الكرسى ليضعه مع ما مثله على المنضدة
      (( عندما يأتى الطفل بمجسم مثلا فوف ويضعه ما ما مثله فوق مع فوق ويذهب لاحضار المجسم الاخر نرفع المجسم الذى طابقه الطفل ( فوق ) ليأتى الطفل ويضع المجسم الاخر مع ما مثله ))

      الرمز........... نكرر نفس الخطوات بالنسبة للصور


      رابعا : الاختيار

      المجسم........... نضع امام الطفل مجسمين فوق وتحت
      ونطلب منه ان يختار ما نطلبه منه (( هاتى الكرة فوق الكرسى __ هاتى الكرة تحت الكرسى ))

      الاختيار على الرمز

      نفس خطوات الاختيار على المجسم
      ااما خطوتى التسمية والتعميم
      فهما عبارة عن تسمية اى شئ يراه الطفل تحت وفوق او عندما ينزل بجسمه تحت اى شئ نذكر ذلك تحت وفوق وتعميم المفهوم على كل شئ ليثبت فى ذاكرة الطفل بكل خطواته


      نشاط اخر للتأكد من وصول الهدف للطفل
      لوحة التوصيل فوق مع فوق وتحت مع تحت
      على الطفل ان يصل بين كل صورتين متشابهتين فوق وتحت فى هذه الصورة
      التعديل الأخير تم بواسطة علا; الساعة 11-01-2012, 02:11 PM.

      تعليق


      • Font Size
        #4
        رد: كيفية وضع برنامج تدريبى للطفل (( برنامج تدريب سما ))

        عرضنا نموذج لهدف معه كل خطوات تنفيذ البرنام
        لكن هناك اهداف لا تمر بكل خطوات البرنامج
        مثلا ثقيل وخفيف لا يوجد به تعرف على الصورة لان هذا الهدف يجب ان يتعرف عليه الطفل بجسمه عن طريق مجسم انما الصورة لن تؤدى الهدف من ذلك
        كذلك شاخن وبارد / ناعم وخشن
        يجب ان يشعر الطفل اكثر بهذه الاهداف عن طريق جسمه وعن طريق المجسم

        تعليق


        • Font Size
          #5
          رد: كيفية وضع برنامج تدريبى للطفل (( برنامج تدريب سما ))

          رجاء اذا كان اسلوبى فى الشرح مش مفهوم ياريت تقولوا علشان اعرف اكمل ولا ايه
          عموما هى الاهداف كلها بتتطبق بنفس الخطوات سما كانت بتدرس الهدف على يومين لان اليوم الواحد كمان كان لازم يتضمن اغانى على الهدف وجزء رعاية ذاتية وكمان انشطة حركية
          وزى ما قلت قبل كده الاهداف كلها هتلاقوها فى الموضوع ده
          السلام عليكم ورحمة الله وبركاته احبتى لاحظت من اختبارات الذكاء التى تقام لاطفالنا وجود اشياء ثابتة فى الاختبار تظهر مدى ادراك الطفل وذكائه وقد قررت تدريب سما على بعض هذه المهارات منها طبعا الصور التى ندرب اطفالنا عليها كثيرا ومنها ما صنعته بنفسى لانى لم اجد ما مثله فى الاسواق وهى هذه المكعبات http://up11.up-images


          فيه كمان انشطة للذاكرة البصرية والذاكرة السمعية ان شاء الله اكمل بيهم الموضوع

          تعليق


          • Font Size
            #6
            رد: كيفية وضع برنامج تدريبى للطفل (( برنامج تدريب سما ))

            بسم الله ماشاء الله
            موضوع رائع تسلم ايدك ام سما
            وان شاء الله يجعلة فى ميزان حسناتك ربنا يبارك لك فى العسولة سما
            بصرحة هى دى المواضيع الجميلة


            وَإِذَا مَرِضْتُ فَهُوَ يَشْفِينِ... صدق الله العظيم

            تعليق


            • Font Size
              #7
              رد: كيفية وضع برنامج تدريبى للطفل (( برنامج تدريب سما ))

              السلام عليكم اختى ام سما
              احب ان ابدى اعجابى بهذا الموضوع الرائع وفى انتظار باقى الاهداف الا خرى باءذن الله شكرا على تعاونك بس عندى سؤال
              هل تلك الاهداف للسن من 3:4 سنوات
              ]اللهم خلقتنى ولم اكن شيئا مذكور فلك الحمد
              وجعلتنى ذاكراسويا فللك الحمد
              وجعلتنى لا احب تعجيل شىء اخرتة ولاتاخير شىء عجلتة
              فاسالك من الخير كلة عاجلة واجلة ما علمت منة وما لم اعلم
              ام محمد
              [http://www.t7di-up.net/uploads/13332658751.jpg

              تعليق


              • Font Size
                #8
                رد: كيفية وضع برنامج تدريبى للطفل (( برنامج تدريب سما ))

                عزيزتي علا كم انا محظوظة هذا اليوم لي مدة لم اقرا مواضيع المنتدى اعجبني موضوعك فيه جهد واضح وبين بالشرح والصور
                فالف شكر اختي وبارك الله لك في سما .وان شاء الله نستفيد من باقي تجاربك.

                تعليق


                • Font Size
                  #9
                  رد: كيفية وضع برنامج تدريبى للطفل (( برنامج تدريب سما ))

                  تسلم ايديك أم سما، الموضوع رائع جدا ، ومجهودك يستحق التقدير،جعله الله فى ميزان حسناتك وبارك لكى فىسما.
                  وان شاء الله ، هنفذه مع عبد الرحمن ، شرحك فعلا مفسر وواضح جدا. تحياتى.

                  تعليق


                  • Font Size
                    #10
                    رد: كيفية وضع برنامج تدريبى للطفل (( برنامج تدريب سما ))

                    المشاركة الأصلية بواسطة القبطان عادل مشاهدة المشاركة
                    بسم الله ماشاء الله
                    موضوع رائع تسلم ايدك ام سما
                    وان شاء الله يجعلة فى ميزان حسناتك ربنا يبارك لك فى العسولة سما
                    بصرحة هى دى المواضيع الجميلة
                    ربنا يبارك لك قبطان عادل ويخليلك يوسف
                    الحمد لله انه اعجبك وان شاء الله ينتفع به الجميع

                    تعليق


                    • Font Size
                      #11
                      رد: كيفية وضع برنامج تدريبى للطفل (( برنامج تدريب سما ))

                      المشاركة الأصلية بواسطة ام النور مشاهدة المشاركة
                      السلام عليكم اختى ام سما
                      احب ان ابدى اعجابى بهذا الموضوع الرائع وفى انتظار باقى الاهداف الا خرى باءذن الله شكرا على تعاونك بس عندى سؤال
                      هل تلك الاهداف للسن من 3:4 سنوات
                      شكرا لكى اختى ربنا يخليكى عاوزة اقولك ان البرنامج ده وضع بناء على اختبار ذكاء وتقييم لمجموعه من الاطفال منهم سما فكانت الاهداف دى اللى هما محتاجينها مكنش عندهم اتقان لها وبالتالى صمموا البرنامج بناء على التقييمات دى

                      تعليق


                      • Font Size
                        #12
                        رد: كيفية وضع برنامج تدريبى للطفل (( برنامج تدريب سما ))

                        المشاركة الأصلية بواسطة ام بهاء الدين مشاهدة المشاركة
                        عزيزتي علا كم انا محظوظة هذا اليوم لي مدة لم اقرا مواضيع المنتدى اعجبني موضوعك فيه جهد واضح وبين بالشرح والصور
                        فالف شكر اختي وبارك الله لك في سما .وان شاء الله نستفيد من باقي تجاربك.
                        ام بهاء منورة الموضوع ويسعدنى ان الموضع عجبك والحمد لله رب العالمين ربنا يجعله بالاستفادة لكل من يحتاجه
                        هى المشكله اننا بنقرا البورتاج لكن التطبيق العملى للأهداف بيكون عند الاخصائى بس وطبعا اللى عنده ضمير بس هو اللى بيشتغل مع اولادنا وما يعجيش مرحلة
                        علشان كده البرنامج بيحقق ان الام تعرف ازاى طفلها بيتعلم والمراحل المختلفة لأدراكه للهدف

                        تعليق


                        • Font Size
                          #13
                          رد: كيفية وضع برنامج تدريبى للطفل (( برنامج تدريب سما ))

                          المشاركة الأصلية بواسطة أم التوأم مشاهدة المشاركة
                          تسلم ايديك أم سما، الموضوع رائع جدا ، ومجهودك يستحق التقدير،جعله الله فى ميزان حسناتك وبارك لكى فىسما.
                          وان شاء الله ، هنفذه مع عبد الرحمن ، شرحك فعلا مفسر وواضح جدا. تحياتى.
                          تسلمى يارب يا ام عبد الرحمن ربنا يبارك لكى فيه وان شاء الله نشوف تطوراته من احسن لاحسن

                          تعليق


                          • Font Size
                            #14
                            رد: كيفية وضع برنامج تدريبى للطفل (( برنامج تدريب سما ))

                            مشكوره علا فعلا افكار جميله وانشاء راح اطبقها مع فارس

                            تعليق


                            • Font Size
                              #15
                              رد: كيفية وضع برنامج تدريبى للطفل (( برنامج تدريب سما ))

                              المشاركة الأصلية بواسطة الفارس الشجاع مشاهدة المشاركة
                              مشكوره علا فعلا افكار جميله وانشاء راح اطبقها مع فارس
                              الشكر لله ام فارسنا الشجاع ان شاء الله ينتفع بها فارس وكل اطفالنا يارب

                              تعليق

                              Loading...


                              يعمل...
                              X